Halala ki gharz se kiye gaye nikah ke baad shauhar ko talaq ke liye majboor karna

السلام علیکم ورحمتہ اللہ وبرکاتہ محترم مفتی صاحب۔ آپ سے یہ سوال عرض ہے کہ ایک لڑکی کو طلاق ہوئی سسرال والوں نے حلالے کا مشورہ دیا تو لڑکی کے والدین نے سابقہ شوہر کے بھائی جو عالمِ دین بھی ہیں ان کی ذمہ داری لگائی انہوں نے اپنے ایک بچپن کے دوست جو بظاہر باشرع تھا امام مسجد بھی تھا لڑکی کا کفو بھی تھا ، اس سے نکاح کروا دیا ۔لیکن اس نے اپنے دوستوں سے غداری کی اور طلاق نہیں دے رہا ۔دوستوں نے بہت سمجھایا اس کو مگر اس نے بات نہ مانی الٹا اس نے لڑکی کو بھی سبز باغ دکھا کے اپنے ساتھ ملا لیا ۔ گاؤں کے بزرگ عالم دین نے اس کو گھر بلایا انہوں نے بھی بہت کہا لیکن اس نے ان کا حیا بھی نہ کیا اور طلاق نہ دی ۔لڑکی کو کہا طلاق مانگو اس نے ان عالمِ دین سے کہا کہ ایسی عورت پر جنت کی خوشبو بھی حرام ہو جاتی ہے جو بلاوجہ طلاق مانگے ۔ علامہ صاحب نے ان دونوں کو سمجھایا یہ صرف وقتی نکاح تھا اس میں ایسی وعید نہیں ہوتی۔علامہ صاحب نے مرد سے بھی یہ کہا کہ تم نے سامنے سامنے دوستوں سے غداری کی ہے تمہیں پتہ بھی تھا نکاح کیوں کروایا جا رہا ہے مگر اس وقت تمھارے دماغ پہ پردہ پڑا ہوا ہے تمہیں جائز ناجائز کی سمجھ ہی نہیں آ رہی ۔مگر وہ آگے سے ان کو کہتا ہے کہ آپ کا مطالعہ کمزور ہے ۔لڑکی کے والد ،چچا ، بھائی خاندان میں سے کوئی ایک بندہ بھی راضی نہیں کے ہم اس کے ساتھ بھیجیں ۔ 6 ماہ سے لڑکی کو اس سے ملنے بات چیت کرنے سے بھی روکا ہوا مگر پھر بھی وہ طلاق نہیں دے رہا ۔ سب خاندان والے کہتے ہیں ۔اس کے پہلے سے بیوی بچے ہیں آمد ن بھی گزارے لائق ہے ہم اس عورت کی زندگی بھی خراب نہیں کرنا چاہتے نہ ہی اس کی پہلی بیوی کی بد دعا لینا چاہتے ہیں ۔ اور کسی صورت ہم اس کے ساتھ نہیں بھیج سکتے مگر کوئی بات اس پر اثر نہیں کرتی ہم نے صرف حلالے کی غرض سے نکاح کروایا تھا تاکہ یہ واپس پہلے شوہر کے پاس جا سکے ورنہ اس سے نکاح کرنے کی بجائے کوئی اور اچھا رشتہ دیکھ کے کر دیتے ۔کسی نے مشورہ دیا کہ اگر عورت کو راضی کر لیا جائے چاہے پیار سے یا سختی سے تو ہو سکتا ہے وہ عورت کی بات مان کر طلاق دے دے۔ اب ایسے حالات میں کیا کیا جائے کہ لڑکی کو بھی سمجھ آ سکے کہ یہ عارضی نکاح تھا تم گنہگار نہیں ہو گی طلاق مانگ کر اور جب تمھارے والد ، چچا ، بھائی کوئی بھی راضی نہیں تو ان کا بھی حق ہے تم ان کو بھی راضی کرو اور مرد کو بھی سمجھانے کا کوئی طریقہ بتائیں کہ تم سے نکاح صرف حلالے کیلئے کیا تھا جب کوئی بھی راضی نہیں تو تمھارا کام ہی نہیں بنتا کسی دوسرے خاندان کے سکون کو برباد کرنا ۔جن کی بیٹی ہے بھتیجی ہے وہ یہ رشتہ قبول ہی نہیں کرنا چاہتے تو تم کون ہوتے ہو طلاق نہ دینے والے ۔ براہِ مہربانی قرآن وحدیث سے ایسے دلائل دیں کہ ان دونوں کی علیحدگی کیسے کروائی جائے ۔ جزاک اللہ والسلام