زخم کے مسلسل خون کا حکم اور صاحب عزر ہونے کی شرعی حیثیت

اگر خون مسلسل نکلتا رہتا ہے کہ وضو کرکے کامل فرض نماز پڑھنے کا وقت نہیں ملتا ایسے شخص کو شرعی اصطلاح میں معذور شرعی کہتے ہیں ۔اس کے لیے حکم یہ ہے کہ وضو کرکے نماز شروع کرے اگرچہ دوران نماز خون نکلتا رہے تب بھی نماز ہو جائے گی کپڑے بھی ناپاک نہیں ہونگے۔ جب کسی دوسری نماز کا وقت شروع ہو تب نیا وضو کرے گا ۔

اگر معذور شرعی نہیں تو خون نکلنے کی وجہ سے اس کے کپڑے ناپاک ہوجائیں گے،لہذا اگر یہ خون ایک درہم کی مقدار سے زائد نکلا اور کپڑوں پر لگ گیا تو ان کپڑوں کو پاک کرنا ضروری ہےجسکا طریقہ یہ ہےکہ جس جگہ خون لگا ہے اس جگہ کو اتنا دھوئےکہ خون کا رنگ اور اثر مکمل ختم ہو جائے؛کیونکہ یہ نجاست مرئیہ جس کےعین کو زائل کر دینے سے کپڑے پاک ہو جاتے ہیں ۔