warasat ke aik maslay ka hukum

صورت مسئولہ میں اگر آپ انکے حصہ کی مارکیٹ ویلیو نکلوا کر انکا حصہ اپنے ذاتی پیسوں سے خرید لیں اور انکے حصے کی رقم انکو دے دیں تو میں جب وراثت کی تقسیم ہوگی تو وہ حصہ آپ کا ہوگا اس کی جو بھی قیمت لگے گی اسکے آپ حقدار ہونگے،ہدایہ کتاب الشرکۃ جلد 3ص5 میں ہے:ويجوز بيع أحدهما نصيبه من شريكه في جميع الصور:ترجمہ: اور اپنے شریک کو اپنا حصہ بیچنا تمام صورتوں میں جائز ہے۔

پھر اگر ایسا کرنا چاہیں تو اس کے لیے ہر ایک کا حصہ جاننا ضروری ہے،لہذا اگر معاملہ ایسا ہی ہے اور انکے علاوہ کوئی اور وارث نہیں ہے تو کل وراثت کے 13 حصے کیے جائیں گے،میت کے ہر بیٹے کو 2،2 حصے جبکہ ہر بیٹی کو 1،1 حصہ ملے گا ،

قال اللہ تعالیٰ:یُوصِیکُمُ اللَّہُ فِی أَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ:ترجمہ کنز الایمان :۔ اللہ تعالی تمہیں حکم دیتا ہے تمھاری اولاد کے بارے کہ بیٹے کا حصہ دو بیٹیوں برابر ہے۔

سراجی ص19میں ہےومع الابن للذکر مثل حظ الانثیین :ترجمہ: اور للذکر مثل حظ الانثیین کے تحت بیٹی کو بیٹے کے حصے کا نصف ملے گا ۔

خلاصہ یہ ہے کہ کل وراثت کے 13 حصے کیے جائیں گے،میت کے ہر بیٹے کو 2،2 حصے جبکہ ہر بیٹی کو 1،1 حصہ ملے گا ، اوراگر آپ حصوں کی مارکیٹ ویلیو نکلوا کر اپنے اس بھائی کا حصہ اپنے ذاتی پیسوں سے خرید لیں جو حصہ کا مطالبہ کررہا ہے اور انکے حصے کی رقم انکو دے دیں تو میں جب وراثت کی تقسیم ہوگی تو وہ حصہ آپ کا ہوگا اس کی جو بھی قیمت لگے گی،وہ آپکی ہوگی۔

واللہ تعالیٰ اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی