سوال انتہائی مبھم ہے؟ نام کرنے کے بعد قبضہ دیا یا نہیں ؟ پھر دونوں بھائیوں کا حصہ الگ الگ کیا یا نہیں ؟بہرحال اگر مذکورہ طریقے پر قبضہ نہ دیا تو مکان انکی ملک ہی نہ ہوا کہ ھبہ بلاقبضہ، غیر صحیح و غیر تام ہے پھر ھبہ مشاع ہونا ایک الگ وجہِ ممانعت ہے لہذا مکان ملکِ والد ہوکر تمام ورثاء میں انکے شرعی حصص کے مطابق تقسیم ہوگا۔مگر یہ کہ جس بھائی نے تعمیرات پر خرچ کیا وہ اتنی رقم کل قیمت سے لے سکتا ہے۔

اور اگرمذکورہ طریقے پر قبضہ دے دیا تھا تو ہر ایک کی ملکیت ثابت ہوگئی ، اب حکم یہ ہے کہ مکان کی موجودہ مارکیٹ ویلیو نکلواکر سب سے پہلے جس بھائی نے تعمیرات پر خرچ کیا وہ اتنی رقم کل قیمت سےلے لے اور باقی رقم دونوں کے مابین برابر ، برابر تقسیم کی جائے گی۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

تاریخ اجراء:19 صفر المظفر 1443 ھ/27 ستمبر2021 ء