warasat ka masla do bete aur aik beti
سوال
السلام علیکم
عرض خدمت ہے کہ ایک شخص کا انتقال ہوا اور کے ترکے میں ایک مکان ہے جس کی قیمت 50لاکھ ہے ، اس کے ورثاء میں 2بیٹے اور 1بیٹی ہے ۔ اس کے علاوہ کوئی اور وارث نہیں ہے ؟ اس میں انکا کتنا کتنا حصہ ہوگا ؟ برائے مہربانی بتادیں
سائل: سید ارشد علی
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَايَةَ الْحَقِّ وَ الصَّوَابِ
اگر معاملہ ایسا ہی ہے جیسا کہ مذکور ہواور ان کے علاوہ کوئی اور وارث نہیں ہے تو میت نے جو کچھ بھی چھوڑا ، اسکو 5حصوں میں تقسیم کیا جائے گا جس میں سے ہر بھائی کو 2حصے ملیں گے اور ہر بہن کو ایک حصہ ملے گا ۔
قال اللہ تعالیٰ یُوصِیکُمُ اللَّہُ فِی أَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ ترجمہ کنز الایمان :۔ اللہ تعالی تمہیں حکم دیتا ہے تمھاری اولاد کے بارے کہ بیٹے کا حصہ دو بیٹیوں برابر ہے۔
السراجی فی المیراث ص19میں ہےومع الابن للذکر مثل حظ الانثیین :ترجمہ: اور للذکر مثل حظ الانثیین کے تحت بیٹی کو بیٹے کے حصے کا نصف ملے گا۔یعنی 50لاکھ میں سے ہر بھائی کو 20لاکھ اور بہن کو 10لاکھ ملیں گے ۔
واﷲ اعلم بالصواب
کتبـــــــــــــــــــــــــــہ:محمد زوہیب رضا قادری
الجواب الصحیح: مفتی محمد عمران شامی
تاریخ اجراء:1رجب المرجب 1439ھ19 مارچ 2018