walida biwi do betay do betiyan

اگر معاملہ اگر ایسا ہی ہے جیسا کہ سوال میں ذکر کیا گیا اور ورثاء صرف یہی ہیں توجس بیٹے نے ساڑھےتین لاکھ روپے لگائے کل مال میں سے انہیں دینے کے بعد تقسیم اس طرح ہوگی کہ کل مال وراثت (بشمول گھر کی اور گاڑی کی قیمت)کے 720 حصے ہونگے جس میں سے فہیم خاتون کو 90 حصے ،دانش 186 حصے ،بابر کو بھی 186 حصے۔مہوش کو 93 حصے،عینی کو بھی 93۔ مانی،شجاع،شہروز میں سے ہرایک کو 16 حصے ،آمنہ،ثمینہ ،نوین میں سے ہرایک کو 08 حصے ملیں گے۔

اس تقسیم کے بعد جو ورثاء اپنے حصہ میں سے کسی کو کچھ دینا چاہیں تو شرعا اس میں قباحت نہیں ہے۔

مذکورہ تقسیم اللہ کے مقرر کردہ حصوں کے مطابق ہے،بیویوں کے بارے میں ارشاد ہے قال اللہ تعالیٰ وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ فَإِنْ كَانَ لَكُمْ وَلَدٌ فَلَهُنَّ الثُّمُنُ :ترجمہ کنز الایمان : تمہارے ترکہ میں عورتوں کا چوتھائی ہے اگر تمہارے اولاد نہ ہو پھر اگر تمہارے اولاد ہو تو ان کا تمہارے ترکہ میں سے آٹھواں ۔لڑکے لڑکیوں کے بارے میں ارشاد فرمایا:یُوصِیکُمُ اللَّہُ فِی أَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ۔ترجمہ کنز الایمان :۔ اللہ تعالی تمہیں حکم دیتا ہے تمھاری اولاد کے بارے کہ بیٹے کا حصہ دو بیٹیوں برابر ہے۔السراجی فی المیراث ص19میں ہے:ومع الابن للذکر مثل حظ الانثیین ترجمہ: اور للذکر مثل حظ الانثیین کے تحت بیٹی کو بیٹے کے حصے کا نصف ملے گا۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی

تاریخ اجراء: 01 صفر المظفر1441 ھ/01 اکتوبر2019 ء