Talaq ke notice se talaq hogi ya nahi

مذکورہ صورت میں طلاق واقع نہ ہوگی ، کیونکہ طلاق انشاء کی قبیل سے ہے لہذا اس کے لئے ایسے الفاظ لازم ہیں جو انشاء طلاق پر دلالت کرتے ہوں جبکہ اس تحریر میں موجود الفاظ مفیدِ انشاء نہیں ہے ۔ بلکہ کسی بھی نوٹس سے مقصود ادارے کو یا بیوی کو اطلاعی خط بھیجنا ہوتا ہے، یہ طلاق دینے کا عمل نہیں بلکہ طلاق کی قانونی اطلاع یا ارادے کا اظہار ہوتا ہے۔لہذاظاہر یہی ہے کہ یہ الفاظ محض ارادے کا اظہار ہےاور ارادہِ طلاق سے طلاق نہیں ہوتی۔

طلاق کے الفاظ ایسے ہوں جو صراحتاً یا کنایۃً معنٰی طلاق پر دلالت کریں چناچہبدائع میں ہے: فركن الطلاق هو اللفظ الذي جعل دلالة على معنى الطلاق لغة وهو التخلية والإرسال ورفع القيد في الصريح وقطع الوصلة ونحوه في الكناية۔ترجمہ:پس طلاق کا رکن وہ لٖط ہےجو لغتاًمعنٰی طلاق پر دلالت کرے اور وہ صریح طلاق میں تخلیہ ، ارسال، اور نکاح کی قید اٹھانا اور کنایہ میں تعلق ختم کرنا وغیرہ ہے۔ (بدائع الصنائع، جلد 3 ص 98)۔ واللہ تعالٰی اعلم بالصواب