saas ke zewarat ki taqseem ka hukam

ساس کے زیورات ورثاء میں شرعی حصص کے اعتبار سے تقسیم ہونگے جسکی تفصیل درج ذیل ہے:

کل حصے: 16

حبیب :11 ، فرحانہ:1، مہوش:4

مذکورہ تقسیم اللہ کے مقرر کردہ حصوں کےمطابق ہے: بیویوں کےحصے بارے میں ارشاد ہے ۔قال اللہ تعالٰی:وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ فَإِنْ كَانَ لَكُمْ وَلَدٌ فَلَهُنَّ الثُّمُنُ۔ترجمہ کنز الایمان : تمہارے ترکہ میں عورتوں کا چوتھائی ہے اگر تمہارے اولاد نہ ہو پھر اگر تمہارے اولاد ہو تو ان کا تمہارے ترکہ میں سے آٹھواں ۔(سورۃ النساء آیت نمبر 10، 11)

ایک بیٹی ہو تو اس کے حصے کے بارے میں ارشاد فرمایا: وَإِنْ كَانَتْ وَاحِدَةً فَلَهَا النِّصْفُ۔ ترجمہ کنز الایمان : اور اگر ایک لڑکی تو اس کاآدھا۔(النساء :11)

سراجی میں ہے :والعصبۃ : کل من یاخذ ما ابقتہ اصحاب الفرائض وعند الانفراد یحرز جمیع المال ۔ ترجمہ:اور عصبہ ہر وہ شخص ہے جو اصحاب فرائض سے باقی ماندہ مال لے لے اور جب اکیلا ہو (دیگر ورثاء نہ ہوں) تو سارے مال کا مستحق ہوجائے ۔(السراجی فی المیراث ص 9)

جو بھائی معذور ہےاسکا حصہ اپنے پاس رکھ کر اسکے معاملات میں خرچ کریں۔

فائدہ:رقم تقسیم کرنے کاحسابی طریقہ: زیورات کی مارکیٹ ویلیو لگواکر کر فتوی میں بیان کردہ کل حصوں کو (16) پر تقسیم کریں جو جواب آئے اس جواب کو محفوظ کرلیں اور پھر اس محفوظ جواب کو ہر وارث کے حصہ سے ضرب کریں جو جواب آئے گا وہ ہر وارث کی رقم ہوگی جو بطورِ وراثت اسے اپنے مورث سے مل رہی ہے۔پھر آخر میں تمام ورثاء کی رقم کو ملاکر چیک کرلیں اگر وہ کل مجموعہ کل جائیداد کی رقم کے برابر ہے تو تقسیم درست ہے ورنہ نہیں۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابو الحسنین مفتی وسیم اختر المدنی

تاریخ اجراء:03 صفر المظفر 1445ھ/ 21 اگست 2023 ء