Qarz le kar Hajj karna kaisa

وللہ علی الناس حج البیت من استطاع الیہ سبیلا.ترجمہ: اور اللّٰہ کے لئے لوگوں پر اس گھر کا حج کرنا ہے جو اس تک چل سکے۔(آل عمران :97)

استطاعت سے مراد اس قدر مال کا مالک ہونا جو ضروریات اصلیہ سے اور قرض سے محفوظ ہو اور اسکے زادِ راہ اور اس کی سواری کے لیے کافی ہواور جن لوگوں کا نفقہ اس کے ذمہ واجب ہے ان کے لئے بھی اس میں اس قدرے چھوڑ جائے جو اس کے لوٹنے تک ان لوگوں کو کفایت کر سکے۔

دوسری جگہ رب کریم ارشاد فرماتا ہے.لایکلف اللہ نفسا الا وسعھا. ترجمہ: اللہ کسی جان پر بوجھ نہیں ڈالتا مگر اسکی طاقت بھر۔(البقرہ : 286)

ان دونوں آیات مقدسہ سے ظاہر ہوا کہ حج صاحبِ استطاعت پہ فرض ہے ۔ اور جو صاحب استطاعت نہ ہو اس پر حج فرض نہیں ہے ۔لہذا قرض لیکر حج پر جانا شرعاً لازم نہیں۔لیکن قرض لے کر حج یا عمرہ کرنے سے حج و عمرہ ہوجائے گا ۔ البتہ قرضہ وہ شخص لے جسے اطمینان ہو کہ وہ سہولت سے ادائیگی کرسکے گااور اگر یہ امید نہ ہوتو پھر قرضہ سے لینے اجتناب برتنا چاہیے ۔واللہ اعلم بالصواب

کتبـــــــــــــــــــــــــــــه:محمد زوہيب رضاقادري

الجـــــواب صحــــيـح:ابو الحسنينن مفتي وسيم اخترالمدني