سوال طلب امر کاتعلق جی پی فنڈ/ پراویڈنٹ فنڈسےہے ،جس کا حکمِ شرعی دو صورتوں پر مشتمل ہے:

1:۔اگر اس فنڈ کا حصہ بننا جبری ہو جیسا کہ پوچھی گئی صورت میں کہاجیر کے ماہانہ اجارے سے وہ رقم بلا اجازت کاٹ لی جاتی ہےجس کا اسے کوئی اختیار نہیں ،فقہائےکرام نے اس صورتمیں فنڈ لینے کو جائز قرار دیا ہےکہ یہاں پر مابقی رقم کے ساتھ ملنے والی زئد رقم کی حیثیت تبرع کی ہے جسےاجیر اپنے حق میں انعام سمجھے ۔

2:۔اگر حصہ بننا اختیاری ہو ، یوں کہاجیرکو اختیار دیا جاتا ہو کہ اپنی ماہانہ سیلری کے ایک مخصوص حصے کی کٹوتی کروائےیا نہ کروائے ۔جی پی فنڈ کی یہ صورت ناجائزو حرام اور سود ہے کہ یہاں پر جورقم اجیر اپنی مرضی سے کٹواتا ہے اس کی حیثیت قرض کی ہے یعنی وہ رقم کمپنی کے پاس بطور قرض محفوظ ہے جو کہ ایک مخصوص مدت تک اجیر کونفع کے ساتھ ملتی ہے اورقرض پر نفع لینا سود ہے ۔حدیث پاک ہے:

کل قرض جر منفعۃ فھو ربوا ہر وہ قرض جس سے منفعت کا حصول ہو سود ہے۔(مسند الحارث رقم الحدیث :437)

واللہ تعالٰی اعلم بالصواب

کتبــــــــــــــــــہ:محمد یونس انس القادری

الجواب الصحیح: ابو الحسنین مفتی وسیم اختر المدنی

تاریخ اجراء: 16 جمادی الاول1442ھ/01جنوری2021