baghair ijarah tay kiye jumuah parhane wala ujrat ka mustahiq nahin

کیا فرماتے ہیں مفتیان اسلام اس مسئلے کے بارے میں کہ ایک امام صاحب جن کا اجارہ فقط 5 وقت نمازوں پر طے ہوا۔ جمعہ المبارک کی نماز اور خطابت کیلئے الگ سے ایک عالم دین اجارے پر مقرر ہیں۔ خطیب صاحب کی عدم موجودگی میں امام مسجد نے خطیب صاحب اور مسجد کمیٹی کے حکم پر 4 جمعہ پڑھائے۔ بعد ازاں جب امام مسجد نے 4 جمعوں کا معاوضہ طلب کیا تو اس میں نزاع ہو گیا جسکی صورتیں درج ذیل ہیں۔

1: مسجد کمیٹی کا موقف ہے کہ چونکہ ہم نے آپ سے اس کا اجارہ طے نہیں کیا تھا لہذا آپ اس معاوضے کے حقدار نہیں۔نیز جس وقت آپکو خطابت کیلئے کہا گیا آپ اُس وقت اجارے کی بات کرتے تو پھر ہم مشاورت کر کے آپکو بتاتے یا پھر معاوضہ دینے سے منع کر دیتے۔

2:امام مسجد کا کہنا ہے کہ چونکہ میں خطیب صاحب کے بَدَل کے طور پر تھا اور مسجد کمیٹی کے بلانے پر ہی خطابت کیلیے آیا لہذا جو حکم مبدل منہ کا ہوتا ہے وہی حکم بَدَل کا ہوتا ہے لہذا اس اعتبار سے مجھے معاوضہ دیا جائے۔نیز جب مسجد کمیٹی کے ذہن میں یہ بات تھی کہ اسکا معاوضہ نہیں دینا تو وہ پہلے ہی بنا دیتے کہ امام صاحب یہ خطابت فی سبیل الله ہے تو نزاع کی صورت ہی نہ پیدا ہوتی۔

3: امام مسجد کا کہنا ہے کہ اگر چہ مسجد کمیٹی نے معاوضہ نہ دیا لیکن خطیب صاحب کی عدم موجودگی کی کٹوتی بھی ہوئی ہے اس رقم کا کیا ہوا؟

مذکورہ تمام مسئلے میں آپ عرض ہے کہ قرآن و حدیث، فقہ واصول فقہ کی روشنی میں اس نزاع کا فیصلہ فرمائیں۔

سائل: سید فرحان شاہ قادری رضوی: کراچی