warasat ke bare me chand sawalat

1:۔ کسی بھی شخص کا وراثت کے مال یا گھر وغیرہ میں کسی بھی طرح کا تصرف کرنا دیگر ورثاء کی اجازت کے بغیر جائز نہیں ہے،کیونکہ وراثت میں سب کا حصہ ہر ہر جزء میں ہوتا ہے ، لہذا ایک دوسرے کی اجازت کے بغیر بیچنا، تعمیرات کرنا ، کرایہ پر دینا وغیرہ ہرگز جائز نہیں ہے۔

الہدایۃ شرح بدایۃ المبتدی کتاب الشرکۃ جلد3 ص 5 میں ہے:العين يرثها رجلان أو يشتريانها فلا يجوز لأحدهما أن يتصرف في نصيب الآخر إلا بإذنه، وكل منهما في نصيب صاحبه كالأجنبي"

ترجمہ:دو شخص کسی عین (چیز) کے وارث بنے یا خریدا تو ان میں سے کسی کے لیے جائز نہیں ہے کہ وہ دوسرے کے حصے میں اسکی اجازت کے بغیر تصرف کریں اور ان میں سے ہر ایک دوسرے کے حصے میں اجنبی شخص کی طرح ہے۔

فتاویٰ رضویہ جلد 12 ص 215 میں ہے:فانہ اجنبی صرف عن حصۃ اخیہ لیس لہ التصرف فیہ کما نصواعلیہ:ترجمہ: اس میں تو شریک دوسرے کے حصہ سے محض اجنبی ہوتا اسے دوسرے کے حصہ میں تصرف حلال نہیں جیسا کہ فقہاء نے اس پر نص کی ہے۔

2:۔ اسی پہلے سوال کے جواب سے ہی دوسرے سوال کا جواب بھی معلوم ہوگیا کہ تمام ورثاء کی رضا کے بغیر پارٹیشن نہیں کر سکتے۔

3:۔ مکان وغیرہ جیسی چیزوں میں اگر انہی میں سے حصہ کر کے سب کو انکاحق دینا ممکن ہو تو دے سکتے ہیں وگرنہ اسکی مارکیٹ ویلیو کے حساب سے قیمت لگاکر ہر کو اسکے حصے کے مطابق دیا جائے ۔ اور یہ بھی ممکن نہ ہو تو انکو فروخت کرکے دینا لازم ہے ۔

واللہ اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابو الحسنین مفتی وسیم اختر المدنی