shirkat par li hui dukan ke kiraye ka hukm

دوکان چونکہ میاں بیوی کے مابین مشترک ہے اس لئے قفط اس دکان کے اتنے حصے کی تقسیم ہوگی جتنے حصے کا شوہر مالک تھا جبکہ بیوی بدستور اپنے حصے کی مالکہ رہے گی۔ رہا کرائے کا مسئلہ تو جب یہ دکان والد کی زندگی سے ہی کرائے پر ہی تھی اور بعد وفاتِ والد تمام ورثاء نے اسی عقد کو باقی و جاری رکھا تو بلاشبہ والد کے حصے کی مقدار دکان کا کرایہ تمام ورثاء میں ان کی حصص شرعیہ کے مطابق تقسیم ہوگا ، محض والدہ کا تنہا اس تمام کرائے میں تصرف کرنا درست نہیں۔

دکان کی وراثت کی تفصیل:

دکان کو اولاً دو حصص میں تقسیم کیا جائے گا اس میں پہلا حصہ (یعنی وہ مقدار جسکی مالک والدہ ہے) والدہ کو دیا جائے گا، مثلاً دونوں برابر شریک تھے تو برابر برابر اسکے علاوہ کوئی اور صورت تھی تو اسی اعتبار سے۔ بعد ازاں جو والدہ کا حصہ ہوگا اسکو 8 حصوں میں تقسیم کیا جائے گا جس میں سےا یک حصہ والدہ کو ، ہر بیٹے کو الگ الگ دو حصے، ہر بیٹی کو الگ الگ دو حصے دیئے جائیں گے۔

مذکورہ تقسیم اللہ کے مقرر کردہ حصوں کے مطابق ہے:بیویوں کے بارے میں ارشاد ہے قال اللہ تعالیٰ:وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ فَإِنْ كَانَ لَكُمْ وَلَدٌ فَلَهُنَّ الثُّمُنُ۔ترجمہ کنز الایمان : تمہارے ترکہ میں عورتوں کا چوتھائی ہے اگر تمہارے اولاد نہ ہو پھر اگر تمہارے اولاد ہو تو ان کا تمہارے ترکہ میں سے آٹھواں ۔

لڑکے لڑکیوں کے بارے میں ارشاد فرمایا:یُوصِیکُمُ اللَّہُ فِی أَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ۔ترجمہ کنز الایمان :۔ اللہ تعالی تمہیں حکم دیتا ہے تمھاری اولاد کے بارے کہ بیٹے کا حصہ دو بیٹیوں برابر ہے۔

السراجی فی المیراث ص19میں ہے:ومع الابن للذکر مثل حظ الانثیین۔ترجمہ: اور للذکر مثل حظ الانثیین کے تحت بیٹی کو بیٹے کے حصے کا نصف ملے گا۔

کرائے کی تقسیم بھی اسی تناسب سے ہوگی کہ اولاً کل کرائے کو دو حصوں میں تقسیم کیا جائے گا بعد ازاں والد کے حصے کو 8 حصوں اسی طرحمیں تقسیم کرکے ورثاء میں تقسیم کیاجائے گا۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابو الحسنین مفتی وسیم اختر المدنی

تاریخ اجراء:20 جمادی الاول 1445ھ/ 06 ستمبر 2023 ء