saat beton mein wirasat ki taqseem

اگر معاملہ ایسا ہی ہے جیسا کہ ذکر کیا گیا تو وراثت کی تقسیم ایسے ہوگی کہ کل مال وراثت کے 218880 حصے کئے جائیں گے جس میں سے ہر بیٹے (جمیل،ضمیر،اکرام،معراج،کلیم،نعیم،فھد)کو 22200 حصے ،ہر بیٹی (ریحانہ،فرزانہ،شاھانہ،کوثر اور شفق)کو 11100حصے ، انو بیگم کے شوہر منصور کو 2394 حصے،انکے بیٹے (فرحان) کو 1862 حصے اور ہر بیٹی (فائزہ، صائمہ،بشرٰی ،ثناء)کو 931 حصے دیئے جائیں گے۔

مذکورہ تقسیم اللہ تعالیٰ کے مقرر کردہ حصوں کے مطابق ہے ،

بیویوں کے بارے میں ارشاد ہے قال اللہ تعالیٰ وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ فَإِنْ كَانَ لَكُمْ وَلَدٌ فَلَهُنَّ الثُّمُنُ:ترجمہ کنز الایمان : تمہارے ترکہ میں عورتوں کا چوتھائی ہے اگر تمہارے اولاد نہ ہو پھر اگر تمہارے اولاد ہو تو ان کا تمہارے ترکہ میں سے آٹھواں ماں،باپ کے حصےکے بارے میں ارشاد ہے قال اللہ تعالی

وَلِأَبَوَيْهِ لِكُلِّ وَاحِدٍ مِنْهُمَا السُّدُسُ مِمَّا تَرَكَ إِنْ كَانَ لَهُ وَلَدٌ:ترجمہ کنز الایمان : اور میت کے ماں باپ کو ہر ایک کو اس کے ترکہ سے چھٹا(حصہ ہے) اگر میت کے اولاد ہو ۔

لڑکے اور لڑکیوں کے حصے کے بارے میں فرمایا، قال اللہ تعالیٰ یُوصِیکُمُ اللَّہُ فِی أَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ :ترجمہ کنز الایمان :۔ اللہ تعالی تمہیں حکم دیتا ہے تمھاری اولاد کے بارے کہ بیٹے کا حصہ دو بیٹیوں برابر ہے۔

السراجی فی المیراث ص19میں ہےومع الابن للذکر مثل حظ الانثیین ترجمہ: اور للذکر مثل حظ الانثیین کے تحت بیٹی کو بیٹے کے حصے کا نصف ملے گا۔

نوٹ : مال تقسیم کرنے کا طریقہ یہ ہے کہ کل رقم کو اوپر ذکر کردہ کل حصوں یعنی 218880پر تقسیم کردیا جائے جو جواب آئے اسکو ہر ایک کے حصہ میں ضرب دے دیں اس طرح کل وراثت سے ہر ایک کا حصہ معلوم ہوجائے گا ۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی

تاریخ اجراء:05 شعبان المعظم 1440 ھ/11 اپریل 2019 ء