pension ki raqam ka haqdar kon

اگر اس شخص کا جی پی فنڈ حکومت کے پاس تھا جو اسکی زندگی میں اس کی تنخواہ سے رضاکارانہ یا لازمی طور پر وضع کیا جاتا تھا تو یہ رقم انکے ترکہ میں شمار ہوگی اور ان کے تمام ورثاء یعنی بیٹوں میں شرعی طریقہ کار سے تقسیم ہوگی۔

اور اگر یہ رقم جی پی فنڈ کے بغیر ہی حکومت کی جانب سے پنشن کے طور پر ملی ہےتوحکومت سے اس رقم کا لینا جائز نہیں ہے کیونکہ پنشن حکومت کی جانب سے تبرع و احسان کی صورت ہے اور حکومت کے قانون کے مطابق پنشن کی رقم بیوہ کے نام جاری ہوتی ہے ۔ بیوہ کی وفات ،طلاق یا دوسری شادی کی صورت میں یہ رقم مرحوم کی نابالغ بیٹیوں کے نام جاری ہوتی ہے۔اور اگر مرحوم کی کوئی نابالغ بیٹی نہ ہو تو اب حکومت کی جانب سے یہ رقم کسی کو نہیں ملتی ۔

اگرحکومت یاادارہ جو پنشن دے رہا ہے،وہ خود ورثاء میں سےکسی فردکونامزد(Nominate)کردےتو وہ فرد اس رقم کامالک ہوگا اور اگرحکومت یاادارہ سب وارثوں کےلیےدےتوسب وارث اس میں شریک ہوں گےلیکن یہ تقسیم،میراث کی وجہ سےنہیں ہوگی،بلکہ یہ حکومت یاادارہ کی طرف سےانکوانعام دیناشمارہوگا۔

لہذا مذکورہ سوال میں بھی چونکہ مرحوم کی زوجہ طلاق یافتہ ہیں اس لئے وہ پنشن کی رقم کی حقدار نہیں ہوئیں نیز مرحوم کی کوئی نابالغ بیٹی بھی نہیں سو اب حکومت کی جانب سے پنشن کی رقم پر انکا استحقاق ختم ہوگیا۔اب اس پنشن کا تقاضا کرنا جائز نہیں ہے۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابو الحسنین مفتی وسیم اختر المدنی

تاریک اجراء:12رمضان المبارک 1441 ھ/06 مئی 2020 ء