alati behn ke hissay ka sharai hukm

اگر معاملہ ایسا ہی ہے جیسا سوال میں ذکر کیا گیا اور نثار احمد کے انکے علاوہ دیگر ورثاء نہیں ہیں تو کلوراثت کے 15 حصے کئے جائیں گے جس میں سے نثار احمد کی والدہ کو 3حصے اور ہرسگی بہن کو 4،4 حصے ملیں گے جبکہ غلام فاطمہ جو کہ نثار احمد کی باپ سگی بہن ہے اسکو نثار احمد کی وراثت سے کچھ حصہ نہ ملے گا کیونکہ جب دو یا دو سے زائد سگی بہنیں ہو ں تو باپ سگی بہنیں محروم ہوجاتی ہیں۔

مذکورہ تقسیم اللہ تعالٰی کے مقرر کردہ اصولوں کے مطابق ہے:

ماں،باپ کے حصےکے بارے میں ارشاد ہے قال اللہ تعالی وَلِأَبَوَيْهِ لِكُلِّ وَاحِدٍ مِنْهُمَا السُّدُسُ مِمَّا تَرَكَ إِنْ كَانَ لَهُ وَلَدٌترجمہ کنز الایمان : اور میت کے ماں باپ کو ہر ایک کو اس کے ترکہ سے چھٹا(حصہ ہے) اگر میت کے اولاد ہو ۔

لڑکیوں کے بارے میں ارشاد ہے قال اللہ تعالٰی فَإِنْ كُنَّ نِسَاءً فَوْقَ اثْنَتَيْنِ فَلَهُنَّ ثُلُثَا مَا تَرَكَ:ترجمہ: پھر اگر نری لڑکیاں ہوں اگردو سے اوپر تو ان کو ترکہ کی دو تہائی۔

سراجی فی المیراث میں ہے:والثانی : اذا اجتمع فی المسئالۃ جنسان او ثلاثۃ اجناس ممن یرد علیھم عند عدم من لایرد علیہ فاجعل المسئالۃ من سھامھم اعنی ۔۔ ۔۔۔۔۔من خمسۃ اذا کان فی المسئلۃ ثلثان و سدس:ترجمہ:اور رد کا دوسرا قاعدہ یہ ہے کہ جب مسئلے میں دو یا دو سے زائد جنس کے لوگ جمع ہوں اور غیر مردود علیھم موجود نہ ہوں تو مسئلہ ان کے سھام سے بنے گا یعنی پانچ سے جبکہ مسئلے میں ثلثان اور سدس ہو۔(سراجی فی المیراث ص 70،مکتبۃ البشرٰی)

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی

تاریخ اجراء:06 شعبان المعظم 1440 ھ/11 اپریل 2019 ء