manasikha do baton ka masla

صورت مسئولہ میں آپکے والدکا، دادا کی وراثت سے شریعت کے مقرر کردہ اصول کے مطابق حصہ ہوگا۔

مالِ وراثت کی تقسیم کی تفصیل:

امور متقدمہ علی الارث(یعنی میت کے کفن دفن کے اخراجات،اگر اس پر قرضہ ہو تو اسکی ادائیگی ،اگر اس نے کسی غیر وارث کے لئے کوئی وصیت کی تو ایک ثلث سے اس وصیت کے نفاذ)کے بعد کل مال وراثت کو تمام ورثاء میں انکے شرعی حصص کے مطابق تقسیم کیا جائے گا ۔

تقسیم کی تفصیل یہ ہے کہ کل مالِ وراثت کے 21120 حصے کیے جائیں گے ۔ہر وارث کا حصہ درج ذیل ہے:

زاہد:3840، سلیم:3840 ، انجم:1920، شمیم:1920، عائشہ :1920 ، شاہین:1920، روبینہ:1920 ، نغمہ بیگم:620 ، فیضان :840 ، بینا:420، رعنہ:420، سعدیہ:420

یمنٰی:420 ، حمیرا:105 ، حسین:238، حمزہ:238 ، زینب :119

مذکورہ تقسیم اللہ تعالیٰ کے مقرر کردہ حصوں کے مطابق ہے: بیویوں کےحصے بارے میں ارشاد ہے ۔قال اللہ تعالٰی:وَلَهُنَّ الرُّبُعُ مِمَّا تَرَكْتُمْ إِنْ لَمْ يَكُنْ لَكُمْ وَلَدٌ فَإِنْ كَانَ لَكُمْ وَلَدٌ فَلَهُنَّ الثُّمُنُ۔ترجمہ کنز الایمان : تمہارے ترکہ میں عورتوں کا چوتھائی ہے اگر تمہارے اولاد نہ ہو پھر اگر تمہارے اولاد ہو تو ان کا تمہارے ترکہ میں سے آٹھواں ۔

لڑکے لڑکیوں کے بارے میں ارشاد فرمایا:یُوصِیکُمُ اللَّہُ فِی أَوْلَادِکُمْ لِلذَّکَرِ مِثْلُ حَظِّ الْأُنْثَیَیْنِ۔ترجمہ کنز الایمان : اللہ تعالی تمہیں حکم دیتا ہے تمھاری اولاد کے بارے کہ بیٹے کا حصہ دو بیٹیوں برابر ہے۔(النساء : آیت نمبر 10)

فائدہ:رقم تقسیم کرنے کاحسابی طریقہ: گھر کی مارکیٹ ویلیو لگواکر فتوی میں بیان کردہ کل حصوں کو (21120) پر تقسیم کریں جو جواب آئے اس جواب کو محفوظ کرلیں اور پھر اس محفوظ جواب کو ہر وارث کے حصہ سے ضرب کریں جو جواب آئے گا وہ ہر وارث کی رقم ہوگی جو بطورِ وراثت اسے اپنے مورث سے مل رہی ہے۔پھر آخر میں تمام ورثاء کی رقم کو ملاکر چیک کرلیں اگر وہ کل مجموعہ کل جائیداد کی رقم کے برابر ہے تو تقسیم درست ہے ورنہ نہیں۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی

تاريخ اجراء:15 محرم الحرام 1443 ھ/24 اگست 2021 ء