le palak beti ka warasat mein hissa

مذکورہ صورت اگر مرنے والی نے اس لڑکی کے لیے کسی طرح کی کوئی وصیت کی ہے تو اسکے کل مال کے ایک تہائی حصہ سے وصیت پوری کی جائے گی۔ لیکن لڑکی کو وراثت سے حصہ نہیں ملے گا ،کیونکہ منہ بولی یا لے پالک اولاد، شریعت میں نسبی اولاد کی طرح نہیں ہوتی ۔ اسکے احکام نسبی اولاد کے احکام سے جدا ہوتے ہیں۔ چناچہ تفسیر مظہری میں ہے:فلا يثبت بالتبني شىء من احكام النبوة من الإرث وحرمة النكاح وغير ذلك

(تفسیر مظہری ، جلد 7 ص 234)ترجمہ:منہ بولا بنانے سے نسبی اولاد والے احکام ثابت نہیں ہونگے مثلا وراثت،نکاح وغیرہ کا حکم۔

المبسوط للسرخسی میں ہے:الْأَسْبَابُ الَّتِي بِهَا يُتَوَارَثُ ثَلَاثَةٌ الرَّحِمُ وَالنِّكَاحُ وَالْوَلَاءُ :ترجمہ: وہ اسباب جن کی وجہ سے وراثت حاصل ہوتی ہے تین ہیں ۔1:رشتہ داری(ماں باپ،بہن بھائی، بیٹا،بیٹی،)2: نکاح (شوہر ، بیوی) اور ولاء (یعنی مرنے والے کے معتق)۔ (المبسوط للسرخسی، کتاب الفرائض جلد 29 ص 138،الشاملہ)

اسی طرح تنویر الابصار مع الدر المختار میں ہے:وَيُسْتَحَقُّ الْإِرْثُ بِرَحِمٍ وَنِكَاحٍ وَوَلَاءٍ (تنویر الابصار مع الدر المختار کتاب الفرائض جلد 6ص 757،الشاملہ)

ترجمہ: وہ اسباب جن کی وجہ سے وراثت حاصل ہوتی ہے تین ہیں ۔1:رشتہ داری(ماں باپ،بہن بھائی، بیٹا،بیٹی،)2: نکاح (شوہر ، بیوی) اور ولاء (یعنی مرنے والے کے معتق)۔

واللہ تعالیٰ اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی

تاریخ اجراء:08 جمادی الاول 1440 ھ/14 جنوری 2019 ء