آپ کی بیوی اپنے والدین کی وراثت کی حقدار اس وقت بنتی کہ جب والدین کا انتقال اس کی زندگی میں ہو تا اس لیے کہوارث مورث کی موت کے وقت اس کا وارث بنتا ہے جیسا کہ وارث کے معنی سے یہ باتظاہرہے ۔ آپ کے لیے اپنی بیوی کے والدین سےحصہ کا مطالبہ کرنا جائز نہیں کیوں کہ یہ تو خود وارث کے لیے جائز نہیں کہ وہ مورث کو وراثت دینے پر مجبور کرے ۔ہاں اگر وہ اپنی خوشی سے آپ کو کچھ دینا چاہیں تو ان کی طرف سے یہ نیکی و صلہ رحمی ہو گی کہ انھوں نے بیٹی کو دینے کا ارادہ کیا تھا ،اس کے فوت ہونے کے بعدبیٹی کے بچوں کو دیں تو یہ نواسہ ونواسی اور داماد کے ساتھ حسنِ سلوک ہو گا اور انھیں یہ حسن سلوک اپنی استطاعت کے مطابق کرنا بھی چاہیے۔یاد رہے بچوں کی کفالت کرنا نانانانی یا رشتہ داروں کی زمہ داری نہیں بلکہ ان کے نان و نفقہ کا خیال رکھنا باپ ہونے کی حیثیت سے آپ کی زمہ داری ہے ۔

واللہ تعالٰی اعلم بالصواب

کتبـــــــــــــــــــــــــــہ:محمدیونس انس القادری

الجـــــواب صحــــیـح:ابو الحسنین مفتی وسیم اختر المدنی

تاريخ اجراء:14جمادی الاول 1444 ھ/09 دسمبر 2022 ء