جب بھی کسی کا انتقال ہوتا ہے تو اسکی ملکیت میں موجود تمام اشیاء اسکے ورثاء میں انکے شرعی حصص کے مطابق تقسیم کی جاتی ہیں، سو جب عورت کا وصال ہو، اور اس وقت تک اسکی بڑی بیٹی حیات رہی تو اس عورت کی تمام مملوکہ اشیاء میں ضروراسکا حصہ ہوگا۔ ہاں۔۔۔۔! جس مکان سے اسے حصے دے دیا گیا اب اس مکان میں والد کی جانب سے حصہ نہ ہوگا ،مگر والدہ کی جانب سے ضرور حصہ ہوگا۔ کیونکہ دوسری شادی کے وجہ سے وہ لڑکی اس عورت کی بنتیت(بیٹی ہونے ) سے خارج نہ ہوجائے گی۔ بلکہ وارثہ ہی رہے گی کہ وراثت کا سبب قرابت بہر صورت موجود رہتا ہے۔

وراثت کے اسباب میں سے ایک سبب قرابت (یعنی رشتہ داری)ہے جیساکہ الفقہ الاسلامی وادلتہ میں ہے:أما أسباب الإرث المتفق عليها فهي ثلاثة وهي القرابة والزوجية والوَلاء۔ترجمہ:وراثت کے تین متفق علیہ اسباب ہیں۔1:قرابت،2:زوجیت،3:ولاء۔(الفقہ الاسلامی وادلتہ ،جلد 10 ص 377)

اسی طرح الموسوعۃ الفقہیہ میں ہے: أَسْبَابُ الإْرْثِ أَرْبَعَةٌ، ثَلاَثَةٌ مُتَّفَقٌ عَلَيْهَا بَيْنَ الأْئِمَّةِ الأْرْبَعَةِ، وَالرَّابِعُ مُخْتَلَفٌ فِيهِ.فَالثَّلاَثَةُ الْمُتَّفَقُ عَلَيْهَا : النِّكَاحُ، وَالْوَلاَءُ، وَالْقَرَابَةُ،ترجمہ:ائمہ اربعہ کے درمیان وراثت کے متفق علیہ اسباب تین ہیں ۔ایک مختلف فیہ ہے ۔ متفق علیہ یہ تین ہیں۔1:نکاح ،2: ولاء،3:قرابت۔(الموسوعۃ الفقہیہ جلد 3 ص 22)۔

واللہ تعالٰی اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اختر المدنی

تاریخ اجراء:17 صفر المظفر ا1444 ھ/14 ستمبر 2022ء