میں لاھب علی ولد علی نواز نے اپنے لڑکے سمیع اللہ کا نکاح اپنی بھانجی سے کیا ۔لیکن تاحال رخصتی نہیں ہوئی ۔میری بہو نے اپنے شوہر کے بارے میں کچھ شکایات مجھ سے کی ۔جن کا میرے لڑکے نے ثبوت کے ساتھ رد کردیا ۔پھر میری بہو نےاس رشتے میں جڑنے کے حوالے سے کہا کہ اس سے غلطی ہوگئی ہے اور کئی بار موبائل فون پر اپنے شوہر سے ناخوش ہونے کی باتیں بھی کیں۔مثلاًکاش لڑکی کو یہ اختیار ہوتا کہ وہ نکاح نامہ پر پینسل سے سائن کرتی وغیرہ وغیرہ۔اس کے بعد میں نے اپنی دوسری بھانجی جوکہ میری بہو کی بڑی بہن ہے اس سے فون پر کہا کہ اس کو سمجھاؤ کہ ایسے غلط باتیں کیوں کر رہی ہے اور ایسے الزامات کیوں لگا رہی ہےاور اس رشتے سے ناخوش ہونے کی باتیں کیوں کر رہی ہے،جبکہ ابھی رخصتی بھی نہیں ہوئی ہے۔ایسی باتیں اور ایسا کردار تو وہ عورتیں کرتی ہیں جن کا کہیں اور پیچ ہو ،کہیں اور تعلق ہو۔یہ جملہ میں نے ان تمام حالات کی وجہ سے استعمال کیا جوکہ براہ راست میں نے اپنی بھتیجی کے لیے نہیں کیا ۔کیا میرا یہ جملہ(ایسی باتیں اور ایسا کردار تو وہ عورتیں کرتی ہیں جن کا کہیں اور پیچ ہو ،کہیں اور تعلق ہو۔)شرعی لحاظ سے تہمت کے زمرے میں آتا ہے یا نہیں

سائل :لاھب علی:کراچی