اسٹاک ایکسچینج میں حصص کی خرید و فروخت کا اکثر کاروبار غیر شرعی معاملات پر مبنی ہونے کی وجہ سے ناجائز ہے مثلاً ڈے ٹریڈنگ، فیوچر، بدلہ وغیرہ ۔تو جب یہ کاروبار ہی ناجائز ہے تو اس کاروبار کا نفع بھی ناجائز ہوگا ۔ لہٰذا طے شدہ منافع کا تقاضہ شرعا درست نہیں ہے۔

البتہ بعض کمپنیاں جو شرعیہ کمپلائنس ہوتی ہیں انکے حصص کی خرید وفروخت کوعلماء نے جائز قرار دیا ہے۔لیکن احتیاط یہی ہے کہ ایسی کمپنیوں کے ساتھ بھی کاروبار سے اجتناب کیا جائے، کیونکہ مارکیٹ میں اُن شرائط کو ملحوظ رکھ کر شیئرز کا کاروبار نہایت مشکل ہے، جن کا اعتبار شرعا لازم و ضروری ہے۔

لہٰذا مالکان (انوسٹر)کے ورثاء پرلازم ہے کہ اصل رقم نکال کر کل منافع کسی فقیر شرعی پر بغیر نیت ثواب صدقہ کردے کہ یہ ملکِ خبیث ہے، اسکے ساتھ سائل پر اللہ کی بارگاہ میں صدقِ دل سے توبہ کرنا لازم ہے ،کہ یہ ایک امرِ ناجائز کے مرتکب ہوئے ہیں ۔ نیز یہ بھی لازم ہے کہ آئندہ یہ کام نہ کرنے کا پختہ ارادہ کریں۔

واللہ تعالٰی اعلم بالصواب

کتبـــــــــــــــہ: محمد زوہیب رضا قادری

الجواب صحیح : ابوالحسنین مفتی وسیم اختر المدنی

تاریخ اجراء:09 صفر المظفر 1443 ھ/18 ستمبر 2021 ء