مفتی کا کام پوچھی گئی صورت کا حکم شرع بیان کرنا ہے واقعے کی تحقیق مفتی کے ذمے لازم نہیں ہے۔لہذا صورت مسئولہ میں دو لوگوں کو الگ الگ کہے گئے یہ الفاط "میں نے ناز کو طلاق دے دی ہے " سےدو طلاق رجعی واقع ہوگئیں

مفتی امجد علی اعظمی بہار شریعت حصہ آٹھ ص 117 میں رقمطراز ہیں عورت کو طلاق نہیں دی ہے مگر لوگوں سے کہتا ہے میں طلاق دے دی تو قضاءً ہوجائے گی اور دیانۃً نہیں۔(بحوالہ الفتاوی الخیریہ ص 37)

لہذا ہیں اب جب تک عدت میں ہیں رجوع کا حق حاصل ہے کہ وہ زبان سے کہہ دیں کہ میں نے رجوع کیا یا میاں بیوی والے معاملات کرلے تو رجوع ثابت ہوجائے گا ۔

تنویر الابصار مع الدر المختار کتاب الطلاق باب الرجعۃ جلد 3ص 398 میں ہے :وَتَصِحُّ (بِنَحْوِ رَجَعْتُكِ) (وَ) بِالْفِعْلِ مَعَ الْكَرَاهَةِ(بِكُلِّ مَا يُوجِبُ حُرْمَةَ الْمُصَاهَرَةِ) كَمَسٍّ وَلَوْ مِنْهَا اخْتِلَاسًا، أَوْ نَائِمًا (ملخصا) ترجمہ: اور اس '' میں نے تجھ سے رجوع کیا''سے رجوع درست ہے ، اور ہر اس فعل سے بھی رجوع درست ہے جو حرمت مصاہرت ثابت کردے، جیسا چھونا(شہوت کے ساتھ) اگر چہ نیند وغیرہ میں چھوئے۔

خلاصہ یہ ہے کہ مذکورہ صورت میں دو طلاقیں واقع ہو گئیں ہیں اور عدت کے اند ر بغیر نکاح کئے رجوع کرسکتے ہیں اور عدت کے بعد نکاح جدید کے ساتھ دوبارہ ایک دوسرے کے میاں بیوی بن سکتے ہیں،لیکن اب صرف انکو ایک طلاق کا حق باقی ہے۔

واللہ تعالیٰ اعلم بالصواب

کتبـــــــــــــــــــــــــــہ:محمد زوہیب رضا قادری

الجـــــواب صحــــیـح:ابو الحسنین مفتی وسیم اختر المدنی