مذکورہ صورت میں مرد و عورت کے رشتہ ازوداج میں کوئی فرق نہیں آئے گا،دونوں بدستور میاں بیوی ہی ہیں کیونکہ عورت کے مذکورہ الفاظ طلاق نہیں ہوسکتے کیونکہ شرع شریف نے طلاق کا حق مرد کو تفویض فرمایا ہے عورت کویہ حق نہیں دیا ۔

قال اللہ تعالٰی :والذی بیدہ عقدۃ النکاح : ترجمہ:اور جس کے ہاتھ میں نکاح کی گرہ ہے ۔(البقرہ:238)

اس آ یت کے تحت حکیم الامت مفتی احمدیار خان نعیمی تفسیر نورالعرفان ص60پرفرماتے ہیں :معلوم ہوا کہ نکاح کی گرہ مرد کے ہاتھ میں رکھی گئی ہے ،طلاق کا اسکو ہی حق ہے عورت کو نہیں۔

یوں ہی حدیث پاک میں ہے: نَّمَا الطَّلَاقُ لِمَنْ أَخَذَ بِالسَّاقِ رواہ ابن عباس :ترجمہ : طلاق کا حق اسی کو حاصل ہے جسکو بیوی سے ہم بستری کا حق حاصل ہے۔( ابن ماجہ باب طلاق العبد ج1ص672)

یوںہی السنن الکبریٰ للبیھقی میں ہے :عَنْ عِكْرِمَةَ أَنَّ مَمْلُوكًا، أَتَى النَّبِيَّ صَلَّى اللهُ عَلَيْهِ وَسَلَّمَ, فَقَالَ رَسُولُ اللهِ صلَّى الله عَلَيْهِ وَسَلَّمَ: " إِنَّمَا يَمْلِكُ الطَّلَاقَ مَنْ أَخَذَ بِالسَّاقِ " ترجمہ:عکرمہ کہتے ہیں کہ ایک غلام نبی کریم صلی اللہ علیہ وآلہ وسلم کے پاس اپنی طلاق کا مسئلہ لایا (کہ اسکے آقا نے اسکی بیوی کو طلاق دے دی ہے آیا طلاق ہوئی یا نہیں؟)آپ نے ارشاد فرمایا طلاق کا مالک وہ ہے ہے جسکو بیوی سے ہم بستری کا حق حاصل ہے۔(السنن الکبریٰ للبیھقی باب طلاق العبد ج7ص591)

واللہ تعالٰی اعلم بالصواب

کتبـــــــــــــــــــہ:محمد زوہیب رضا قادری

الجواب الصحیح:ابوالحسنین مفتی وسیم اخترالمدنی

تاریخ اجراء:09 شعبان المعظم 1440 ھ/15 اپریل 2019 ء