اگر حرمتِ مصاہرت میں اختلاف ہو جائے کہ عورت مصاہرت کا دعوی کرتی ہو اور صاحب معاملہ اس کا انکار کرتا تو ایسی صورت میں شوہر کا قول معتبر ہوتا ہے کہ یہ اس کی ملکیت میں دعوی ہے لہذا اس باب میں شوہر کا قول ہی معتبر سمجھا جاتا ہے ۔مذکورہ معاملے میں شوہر نے باپ کے بیان کی تصدیق کی ہے ۔ لہذا پوچھی گئی صورت میں حرمت مصاہرت ثابت نہیں خاتون اپنے شوہر کے نکاح میں ہی ہے ۔

فتاوی ہندیہ میں ہے:رَجُلٌ تَزَوَّجَ امْرَأَةً عَلَى أَنَّهَا عَذْرَاءُ فَلَمَّا أَرَادَ وِقَاعَهَا وَجَدَهَا قَدْ اُفْتُضَّتْ فَقَالَ لَهَا: مَنْ افْتَضَّكِ؟ . فَقَالَتْ: أَبُوكَ إنْ صَدَّقَهَا الزَّوْجُ؛ بَانَتْ مِنْهُ وَلَا مَهْرَ لَهَا وَإِنْ كَذَّبَهَا فَهِيَ امْرَأَتُهُ، كَذَا فِي الظَّهِيرِيَّةِ۔ترجمہ:ایک شخص نے عورت سے شادی کی اس بنیاد پر کہ وہ کنواری ہے پھر جب اس نے جماع کا ارادہ کیا تو اسے باکرہ نہ پایا تو اس نے پوچھا کہ تیرا پردہ بکارت کس نےزائل کیا ؟تو اس نے کہا کہ تمہارے باپ نے۔اگر شوہر عورت کے بیان کی تصدیق کر دے تو عورت بائن ہو جائے گی اور اس کی کوئی مہر نہیں ہو گا اور اگر تکذیب کر دیتا ہے تو وہ اس کی بیوی ہی رہے گی جیسا کہ ظہیریہ میں ہے۔ ( الفتاوى الهندية، کتاب النکاح جلد 01صفحہ 305،قدیمی)

واللہ اعلم بالصواب

کتبــــــــــــــــــــــــہ:محمدیونس انس القادری

الجـــــواب صحــــیـح:ابو الحسنین مفتی وسیم اختر المدنی

تاریخ اجراء:27ربیع الاول1444 ھ/14اکتوبر 2023 ھ