پوچھی گئی صورت میں ان جملوں سے طلاق واقع نہیں ہوئی۔

اس کی تفصیل یہ ہے کہ :طلاق واقع ہونے کے لئے یہ شرط ہے کہ لفظِ طلاق کی نسبت واضافت (لفظا ً،عرفا ًیا پھر نیۃً ) بیوی کی طرف ہو ۔اگر اضافت ان تینوں صورتوں(لفظاً،عرفاً اور نیۃً) سے خالی ہو تو طلاق واقع نہیں ہوتی ۔ جبکہ سوال میں شوہر نے بیٹے کو جواب دیتے ہوئے کہا کہ : لے طلاق لے طلاق لے طلاق تو یہاں پسر لے کی نسبت بیوی کی طرف ہونے کی بجائے بیٹے کی طرف ہے جو کہ طلاق کا محل نہیں ، لہذا طلاق واقع نہیں ہو گی ۔

ہاں اگر شوہر اپنی نیت میں اس جملہ سے طلاق کی نسبت بیوی کی طرف کرتا " یعنی اس صورت میں معنی یہ بنتا ہے:بیٹے کو کہتا لے بیٹا (تمہاری ماں کو ) طلاق تو پھر بلا شبہ اس سے طلاق واقع ہو جاتی ۔

فتاوی رضویہ شریف میں ہے: بیوی کی طرف طلاق کی اضافت کا قصد نہ کیا ہو تو قطعاً طلاق نہ ہوئی، کیونکہ طلاق کا وقوع بغیر واقع کرنے(ایقاع) کے نہیں ہوتا اور ایقاع اس وقت تک نہیں ہوسکتا جب تک طلاق کا تعلق بیوی سے نہ کیاجائے اور یہ اضافت کے بغیر ممکن نہیں اس لئے اضافت ضروری ہے خواہ نیت میں ہو، تو طلاق جب اضافت لفظی یا قلبی سے خالی ہو تو طلاق کا تعلق پیدا نہ ہوگا کیونکہ تعلق بغیر متعلق نہیں ہوسکتا، اس لئے ایقاع نہ ہوگا، تو وقوع بھی نہ ہوگا، اتنی بات واضح ہے جس میں کوئی شبہ نہیں ہوسکتا۔

واللہ اعلم بالصواب

کتبــــــــــــــــــــــــہ:محمدیونس انس القادری

الجـــــواب صحــــیـح:ابو الحسنین مفتی وسیم اختر المدنی

تاریخ اجراء:19ذی قعدہ 1444 ھ/08جون 2023 ھ