اگر معاملہ ایسا ہی ہے جیسا کہ سوال میں مذکور ہواکہ شوہر اس بات کا اقرار کرتا ہے کہ اس نے بیوی کو تین طلاقیں دی ہیں تو اس صورت میں بیوی کو قضاءََ (یعنی ظاہری صورت حال کے مطابق دنیاوی اعتبار سے )تین طلاقیں واقع ہوچکی ہیں ،لیکن دیانۃََ (یعنی بندے اور خدا کے درمیان جو معاملہ ہے اسکے مطابق طلاقیں )نہیں ہوئیں ,شامی میں ہے :وَلَوْ أَقَرَّ بِالطَّلَاقِ كَاذِبًا أَوْ هَازِلًا وَقَعَ قَضَاءً لَا دِيَانَةً. ترجمہ: اور اگر شوہر طلاق کا اقرار کرے خواہ جھوٹ میں کرے یا مذاق میں کرے قضاء طلاق واقع ہوجائے گی دیانۃ واقع نہیں ہوگی۔

مفتی امجد علی اعظمی بہار شریعت حصہ آٹھ ص 117 میں رقمطراز ہیں عورت کو طلاق نہیں دی ہے مگر لوگوں سے کہتا ہے میں طلاق دے دی تو قضاءً ہوجائے گی اور دیانۃً نہیں، اور اگر ایک طلاق دی ہے اور لوگوں سے کہتا ہے تین دی ہیں تو دیانتہً ایک ہوگی قضاءً تین، اگرچہ کہے کہ میں نے جھوٹ کہا تھا۔۔(بحوالہ الفتاوی الخیریہ ص 37)

واللہ تعالیٰ اعلم بالصواب

کتبـــــــــــــــــــــــــــہ:محمد زوہیب رضا قادری

الجواب الصحیح: ابوالحسنین مفتی وسیم اخترالمدنی

تاریخ اجراء:11محرم الحرام 1440 ھ/22ستمبر 2018 ء